( عيد الأم )
*********
دى أول مرة يجى العيد
ومانشوفكيش
وأول مــرة نيجى نهنى
منلاقيكيش
دا جينا بلمة الأحباب
وجبنا ولادنا والأحفـاد
وخبطا كتير ع البــاب
ولاترضيش
نسينا إنك مفارقانا
لأنك ساكنه جوانا
وصورتك جوه فى قلوبنا
مابتفارقيش
دعاكى كان بيسترنى
وقلبــك كان بيحضنى
وحضنك كان مدفينى
فراقك ياأمه على عينى
ولما تعبنا من شوقنا
حضنــا بحزن بعضينا
وسيبنا الورد على بابك
وودعنا أمانينا
ياأمى ياأغلى مالينـا
وحشنى دعوتك لينا (بقلم / علاء زايد )
