جارى التحميل
استخدم زر ESC أو رجوع للعودة
مين يشترى ليله بألف شهر
..................................
مين يشترى ليله بألف شهر
ليله تساوى العمر كله و الدهر
مين يشترى جنه و نهر
لا فيها حزن و لا فيها قهر
و عليها حوريه هديه و ورد و زهر
من غير ما يدفع نقديه و لا مهر
مين يشترى الليله ديه فى شهر
ليله و لا فى الأحلام
بس تكون على دين الإسلام
ليله و لا فى المنام
بس تكون على تمام
ما تركع لغير الله و لا تحنى الظهر
هو ده تمن ليله بألف شهر
ما تسجد لغير الله و لا تحنى الظهر
هو ده تمن ليله بألف شهر
ايش يفيدك يا صايم و انت كذاب
لو صمت الدهر كله ما يحوش العذاب
ايش يفيدك يا منافق و سرك غير الجهر
للمؤمن بس ليله بألف شهر
ليلة سلام من الله حتى مطلع الفجر
و القرأن كلام الله اتلوه و نول الأجر
فى ليله بألف شهر هى ليلة القدر
فى ليله بألف شهر هى ليلة الأجر
.........................................
