‏مابين_نفسي‬ ........ بقلم الشاعر / خالد_دسوقي‬

نظير الحب ده ف دمي
بيقبل قسمه ع الأتنين
مابين النيل وبين أمي
وبين الزرعه وسط الطين
مابين نخله وليها جريد
تلاقي الطمر ف العالي
مابين أرضك وبين عرضك
منور نجمك العالي
مابين حتي حروف أسمك
بحس بجد طعم النصر
وبتفنن أنا ف رسمك
أعيش ليكي وبيكي يامصر
مابين نفسي وبين نفسي
بردد كلمه جوايه
يابلدي أمتي هاتحسي
حنيني وشوقي وهوايه
تضمي قلبي وتخبي
تعيشي بجد يوم وياه
وبقسملك أنا بربي
انا ف طينك بلاقي حياه
مابين شطك وبين بحرك
بشوف فيكي بجد نجاه
مابين أهلك وبين ناسك
بشوف طيبه بقول الله
مابين الشجره والزرعه
بلاقي ف ارضك الضله
مابين شعري وبين أنفي
بلاقي عيوني دي طاله
بتتجمل ف حبك ليه
وتتكتب إيدي أشعاري
وتوصف فيه
هدوء الليل وحب النيل
ومصري بجد كان ناوي
يخضر أرضك السمره
نظير الحب بيساوي
الاقي ف حضنك الضمه
بتبعدي ليه؟
دانا عاشق من العشاق
أنا مشتاق
ولا هقبل يكون ف فراق
وربي إن شاء
يكمل بينا سكتنا
وتحلي بجد جنتنا
ونحصد حب ف قلوبنا
ونطرح منه للعشاق
أنا مشتاق
وعاشق فيكي حتي الطين
انا حربك انا غزوك انا حطين
أنا الجندي انا القائد صلاح الدين
أنا مصري وبدعيلك ليوم الدين
نظير الحب ده ف دمي
بيقبل قسمه ع الأتنين
مابين النيل وبين أمي
وبين الزرعه وسط الطين

‫