لمي شعرك يابهيه
عن عيون السكرانين
وبحروفي عرفيهم
إني فعلا أه بغير
وإني عاشقك
وإني عاشق حتي طينك
وإن عاقد قلبي أنا
عقد لولي فوق جيدينك
وإني شاعر بس ليكي
وإني لو هوصف جمالك
عاوزه يجي ميت ديوان
وإن نفسي ابقي حلالك
مش مجرد حب كان
خبريهم أن أنا
طبعي حامي
دمي حامي
وأن مهما بعدوا عنك
هبقي ليكي لوحدي
حامي
أشطبي كل الأسامي
وأشطبي كل الخانات
وأكتبي اسمي ف نيلك
وإني عاشقك م سكات
أحضنيني غوصي فيا
دانا عاشقك يابهيه
مدي أيدك وألمسيني
طيبي جراحي العتيه
هما هما سكرانين
لسه برده مفكرين
إن انا هازهق واسيبك
وإن هاعشق حد تاني
وإن هاوهبلوا حناني
وأدي حضني لحد غيرك
مش ها هاجر
مش ها هاجر
مش هبيع يوم القضيه
أصلي ثوري
وثوري أصلي
بس لاجلك يابهيه
راضي أن اكون
ضحيه
بس رافض إغتصابك
هما فعلا داء وصابك
هما فعلا نقطه سوده
راح نطهرها بشبابك
