احنا اللى فينا عيوب
-----------------------
الدنيا هيا هيا * واحنا اللى فينا عيوب
بنكدب ونداري اخطائنا * ونقول زمان مقلوب
لحد ما بكرا نسانا * وخدنا معاه و قوانا
وبقينا ياخلق جوانا * ماليه قلوبنا الذنوب
******* واحنا اللى فينا عيوب *******
ولاعادشى فاضل في قلوبنا
غير القسي والانين
امانه يارب سامحنا
من يومنا مجروحين
وعشنا كل واحد
علي صاحبه قلبه جاحد
وعلي العشره وعلي السنين
عيوب ماليه قلوبنا
ونقول يارب توبنا
وكترت يارب ذنوبنا
وفيك متعشمين
سامحنا يارب واهدينا
واملى الخيربالقلوب
عشمنا فيك تبعدنا
علي الالم والعيوب
***** واحنا اللى فينا عيوب*****
-----------------------------------
بقلمى الشاعرالغنائي رمضان القاضي
سجلت بتاريخ28\ 6\
نشرت فى 28 يونيو 2015
بواسطة nssmaelshwara
