أهلا بذاك وأنت كذلك 
إن كنت ساكن أو كنت مالك
عيش نضيف دا الكل ضيف
وفى النهايه غير وجهو هالك
.. مش دايم عليها إلا وجهه
لو تعمل طيب هتواجهه
تطعم فقير تكسب كتير 
دنتا فى الدنيا المحتاجله
.. تعلا . تعلا .. وهيا حفره
فى أرض بور حاشفه وجافره
عملك فإيدك غيرو ما يفيدك
فى كتاب بيكشف ويفك شفره
.. حبه راحوا وحبه طاحوا 
وحبه مشيوا هناك وارتاحوا
وحبه لسه ع الدنيا باصه
والكل حر مطلق سراحو 
.. بنى وعللا .. وسابها ومشى 
وسكنها بعدو إشى وإشى 
فيهم التقى وجواه نقى
وفيهم الفاجر وما بيختشى