حكاية استاذ محمود ....
فيوم قالولوا الست لولو 
سهرانين الليل بطولو
عاملين حفلة عيد ميلاد 
سمع الخبر مش يصتبر
يستنى ياخد العبر
يسمع بقيتو ويستفاد
قال ميهمش نروح نفرفش
ناكل تورته هناك ونكبش
ونروح نفرح الولاد
قام خد بعضو ومراتو بعدو
قال يوم حظو ويا سعدو
ومشيوا ساعه قبل المعاد 
ويخبطوا ما يخبطوا 
وولادوا نادوا وصوتوا
ولا حد بالرد أفاد
وفين وفين جاى صوت منين
إستنى ياواد محناش سامعين
وكأنو من آخر البلاد
قال مين بيخبط وبيستعبط
شكلك كدا عاوز تظبط
إيه البلاوى دى يا ولاد
راجل مكشر وشو متنشر
عامل كدا زى المفشر
مفهش خير ولا فهش زاد
قالو ياخال دنا والعيال
الواد حماده ومعاه دلال
ومعايا مراتى الست وداد
سألت مراتو وكات رزينه 
هيا الزينه ليه حزينه 
والتورته فين يا عم جاد
قام خالو البيه رد عليه
قال حفلة إيه ونيلة إيه
لا حد قال ولا حد عاد
معاكش هديه وجاى رزيه
روح وتعالى السنه الجايه
يادى النيله والسواد
روح ياراجل بلاش حناجل
إرجع فى البريد العاجل
بلا سنكحه على العباد
ورجع محمود ومهش محسود
شكلو زعلان بقو مسدود
وكأنو واكل كوم رماد
عملت إيه بس يا محمود
دا كل شيئ وله حدود
جاى ف البركه ليه وتصطاد
مصعبش عليا فحكايتو ديا
لاحتى الراجل ولا الوليه
صعب عليا بس الولاد