الواد حمام عبد السلام 
يا مشطرو فكتر الكلام
بيرتبه .. ويقلبه 
فى الغلب محدش يغلبه
قليل المال والبخت مال 
وكل يوم على دا الحال
يقول معانى كلام أغانى
واللى يقولو يعيدو تانى
يسهر يفكر أو يتزكر
يشرب قهوه منغير سكر
ودماغو فايقه ومش مدايفه
وياه وسايقه والسكه رايقه
وساعات كمان يكون معكنن 
يقوم يدور ع المسكن
وساعات يقوم بالليل يكح
وساعات دموع منو تسح
الواد حمام عايش غريب
قالو الطبيب شوفلك حبيب
الواد حمام وحدو ف الدار
ولا عمرو لف يوم ولا دار
الدنيا مسكت عليه وسكت
ونفسو حد يقولو أسكت
الواد حمام عبد السلام 
يا مشطرو فكتر الكلام