سهرآنه الليل أناجيه وعن غيآب حبيبي باحكيله
ومن ظلم ليالي الغربه وهجره لينا عماله باشكيله
ياغاليين علينا الغربه صعبه..كِفآيه غربه وعذآب
إرحموا سهر ليالينا ودموع عنينا وطول الغياب
دي قلوبنا دآيبه في هوآكم والشوق كاوينا
ليه تحرمونا من حبكم ومين غيركم هيداوينا
وباللي فينا ياغاليين مش داريين ولا حاسين بينا
كنتوا معانا حنينين ولما بعدتوا بقيتوا ليه قاسيين
واحنا في ليالي البُعاد مانسيناكم ولا خلفنا ميعاد
وحشتونا وليل نهار قلوبنا جايبه سيرتكم ومنهاره
ومن يوم ماسيبتونا والعين من شوقها محتاره
شغلتوا فكرنا وبالنا وطول ليالينا لحبكم سهاره
ودموعنا مافارقت خدودنا ولآ الفرحه زارت قلوبنا
حتي الضحكه نسيناها وإبتسامتنا كمان خاصمناها
الحزن ماسابنا في بُعدكم ولا ذكرياتنا معاكم سيبناها
نفديكم بروحنا ودمنا بس والنبي ماتغيبوا عننا
فرحوا قلوبنا ونوروا ديارنا وتعالوا عندنا
دفوا فرشتكم من يوم بُعدكم عماله بتشكي
والعيون المشتاقه لمخدتكم دايماً ليها بتبكي
اليوم بيعدي في بُعدكم عذابه عذاب سنه
حتي الطير اللي بيعدي علينا عرف اشواقنا من كتر سؤالنا
ويوماتي بنبعت ليكم مع كل نسمه هوا مراسيلنا
يمكن عليكم تطمنا وتهدي جوانا أشواقنا
متغبوش ياللي وحشتونا لو كنا عليكم غاليين
ياريت نغمض عنينا ونفتحها نلاقيكم قدامنا جايين
لاقادرين نصبر علي ليالي فراق حبكم ولا علي حلاوة غرامكم
ولا متحملين بعدكم ولا طول ليالي ايامكم
ولا شيء فالدنيا عنكم قادر يعوضنا ويفرحنا
ولا الفراق نسانا يوم حبكم وغلاوتكم يا أحبابنا
حتي الورد مابتشوفوا عنينا بيفتح ف البساتين
وشموع الأفراح لما بتعدي علينا بتعدي وهي مش حاسه بينا
هنستناكم ياأحبابنا تيجوا وليالي حبكم تقيد شموعنا
وتقيموا أفراحنا وأعيادنا في بيتنا وتفرحونا
وتعطروا الزهور بوجودكم وبإيديكم تروها وترونا
دي قلوبنا عطاشه لحبكم من يوم ماروحتوا وسيبتونا
والحزن ماساب بيتنا والسعد غاب عنا وماجانا
وقلوبنا مجروحه منكم ونظره من عينكم تشفينا
واشواقنا نار بتحرق قلوبنا ومين غيركم يطفينا
تعالوا نتهني بلمتكم معانا وضحكتكم تنور وسطينا
وتجمعنا الايام والليالي الجميله وماتفرقنا
والدنيا في عنينا تحلوّْ تاني وتسعدنا وتفرحنا