لأ دنا مبسوط انا مش مضغوط
أنا مش نفسى أرقع بالصوت
على عينى وراسى هعمل ناسى
وهكدب ظنى وإحساس 
وهقول ياسلام على أى كلام
حاجه والله ولا فى الأحلام
فلفل شطه ولسا محطه
والقطه نقول عنها بطه
هعرب وهقول فاعل مفعول
مرفوع بعلاوه زى مبتقول
أما المكتوب مفعول منصوب
فاضل ع الحلو دقه يدوب
متسيبها فحالها وسيب شالها
خليها مغطيه عبلها
حنكش منكش بطل تنكش
خليك مظبوط إوعى تبكش
تفتح تقفل أنا متكفل
إمشى وطريقك متسفل
أنا قلبى عليك الدور مش ليك
إهدى شويه ربى يخليك
يا مرار الغلبان يا مرارو
الهم دا جاى يسكن جارو
خليها ترسى زى ماترسى
أنا مشكلتى فؤجرة تاكسى
إسكت ياصميده هات البيضه
الواد مسعود خلاها عيضه