عاشوا ولادنا أهل زمان
جابوا النصر وعلوا كيان
جعلوا الارض فى عز الضهر
شكلها نار زى البركان
واد صهيون هلفوت بيفُر
تحت الأرض خايف ليبان
شال الخزى ويا العار
جندى هزيل معروف خيبان
أما أسُودنا ردوا التار
٦ اكتوبر لنا يوم عز
محسوب ليهم بالعرفان
لما جنودنا كانوا صايمين
كان يوم ١٠ من رمضان
فوق ع الجبهة نصر مبين
جيش صهيون ف العيد فرحان
ساعة صِفر ومش داريين
اصل الأرض ربى حارسها
بعد اليوم ما ندوق الذل
مصر بلادى يقوى نفسها
درس امام الناس للكل
مافِ مخلوق يقدر يلمسها
تحيا مصر
تحيا مصر
تحيا مصر