حتى السنين بتكدب
وبتمشي مشي المخاليق 
إما دي فزوة وحكاية
عايزلها أكام تعليق 
زمان وأنا كنت صغير
عيل تافه بعل شنكوت 
كنت أسمع أبوية وأمي
يجيبوا لي سيرة العفاريت 
علشان أجري على أوضتي
واتخبا زيي الكتاكيت 
أفهمها طايرة وأعمل خايف
وفي ثانية أقول يافكيك 
علشان الجو يخلى لهم
ولا أكون عيل زنديق 
بجد سنين بريئة
ولا فيها ذرة تلفيق 
الأم كانت هرم لولادها
وجد ماتعرف طنطيط 
ولا تعرف تتكلم بسفاله
ولاعيالها يشوفها سلوبت
ولا تسمح لجارتها
المحتالة
مساحة الجوخ والحيط 
تدخل في حياتها الخاصة
وتذيعها على كل جيرانها
وتبقا مقاله على شريط 
جرى أيه ياسنينا ماتهدي
وكفاية كدب وحورات 
وكفاية تلصص وتنصت
على بعض في الغيط والبيت 
العمر بيجري ياسنينا
والشايخ بينشر إشاعات
والكهل اللي هو رَجُل بركة
بيغمز لحفيدتة شربات 
والجدة اللي قاعدة بتلاغي
ولد تافه
وبتحكي معاه الحكايات 
وفاتحه له النت والشات
زي البنت المراهقة بالذات 
عيب ياسنينا كدا كفاية
عيب كفاية تخبيط