جارى التحميل
استخدم زر ESC أو رجوع للعودة
كلام منتظر ووجهة نظر
لا تغيير رأى ولا خوف ولا حذر
لو حد مكانه .. كان يمكن عذر
عقول ف الروس وبالمحسوس
بلاش نتكى عليه وندوس
إحنا اشترينا بالفلوس
أرواح ولادنا والنفوس
شيلنا صحيح بعض الهموم
بدل الإرهاب ويانا ما يدوم
وبلاش ننسى بقى يا جماعه
التفجيرات كات ساعه بساعه
وللا نسينا سنين النعوش
واللى قهرونا ومخلوش
إرهاب وعنف ومسخره
دلوقت تحت السيطره
وفيه حقيقه مننكرهاش
كل دا ميجيش ببلاش
وساعات يكون غلاء الأسعار
أهون كتير من ضرب النار
وعشان يصبح ميه الميه
ناقص العداله الإجتماعيه
لو شال شويه م اللى فوق
وزود اللى قاعد تحت
كل الشعب ساعتها يروق
ويقول كدا خلاص ارتحت
