رجعيني يادنيا تاني 
رجعيني لزمني وزماني 
رجعيني أنا أتخدعت 
في كل غالي .....
رجعيني بقيت حطام 
مع ناس فالصو 
تمنهم زاهيد وولاد حواري
الغدر ساكن ف دمهم 
والكذب لحنه عذب 
ف جمعهم 
وغنوه من الأغاني .......
الكرامة مستباحة 
ف نسلهم 
حبوا الحياة بكل
معنى من المعاني 
رجعيني يادنيا تاني 
رجعيني لأصلي وزماني 
رجعيني لحضن أمي 
عايز أبوسها من خدودها 
زيي زمان وانا طفل
بريئ وحد مثالي 
نفسي أشرب من حليبها 
وأنام بطولها لتحكي لي
أجمل حكاوي ......
حكاويها ناعسه 
جوه ذهني 
رغم الممات رغم قهري
ورغم حزني وأحزاني 
علمتني أقهر ظنوني 
وأنتصر ديمآ لكبريائي 
الكذب يادنيا أصبح مثالي 
والحق ماشي ف جو تاني 
والخداع بقا رمانه 
حلوه بتنفرت كدا ف ثواني 
ليه يادنيا كدا 
خدتينا من زمنا 
وودتينا 
لكوكب غريب 
كله كذب وتعالي 
فيه الإنسان ماشي 
حافي 
بقا وهم بقا هلامي 
بقا خيال جوه حيطه 
بدون طوب 
عارية المباني .......
بقا بيضحك على 
أي حاجة . أصله 
عبيط 
ومعدش داري ......
آه يادنيا مات شعوري
آه يادنيا خر جابيني 
ليه يادنيا تسلميني 
للوحده الغبية وترميني 
خلاص ياوحده بقينا 
حبايب 
ويمكن كمان نطلع 
قرايب 
كلميني 
أسألني 
ماتخدعيني 
عايزك معايا 
تونسيني 
وعلى الصراط 
أسبقيني