ياما ناس في دنيتنا تعبانه 
وحياتها علي طول شقيانه 
وراضيه بنصيبها وقنعانه 
ولو باتت بطونها جعانه
العقل فيها والله إحتار
علي صبرها ليل ونهار
بتضحك في وشوش الناس
وقلوبها مليانه احساس
ومن جواها موجوعه
وقدامنا راضيه وقنوعه
لو حتي مليانه بالأحزان
والمر من الدنيا شرباه 
والأسوه والويل شيفاه
وويا الناس سبحان الله 
طيبه وحب ونبع حنان
وبتبقي عنيها مليانه دموع 
ومنوره حواليها شموع
وراسمه الفرحه في عنيها
وسعيده باللي في إيديها
ومحدش فينا حاسس بيها
ولا حتي عارف ايه اللي فيها
الحزن جوه قلوبها مخبياه
وتبكي وحدها ع اللي شيلاه
وتحب الناس حواليها سعيده 
حتي لو كانت هي حزينه 
ولا حد حاسس بأوجاعها 
ونفوسها بالخير عمرانه
ولحزن الناس بتتألم
وعلي احزانها مابتتكلم
جواها ألآم وجروح
وقدام الناس كلها بتروح
وبتتمني للناس الأفراح 
وجواها أحزان وجراح
وتحب الحب للأصحاب
وياما انخدعت من الأحباب
الكره والحقد مابتعرفوش
وعن حظها متسألوش
دي ناس بتبقي ياناس كنوز 
حتي لو شاربه المر كؤوس
للكل الخير بتتمناه 
والشر للناس دايماً تنساه
ياريت منها كلنا نتعلم
حتي لو كنا بنتألم