مديون يسد ديون
يدفع من أيامهْ
يغزل من أحلامه
صوره بِرسم الكونْ
من جوه مات الولد
من بره يرسم ضحكة
اللي يعيش
والزرع لما طرح
قلب الحزين إنشرح
وف همه كان. مسجون
أنا كنت فاكرها
هي اللي ناسياني
كل الحكايه يا عم
إني إبتديت أفهم
لا أنا بايعها
ولا هي شارياني
يا أرض بور
لا هي ليلى
ولا أنا. المجنون
وحلفت أرمي بذور الفرح
طرحت لياليها
وأنا اللي بجنيها
حصاد من أحزاني
يا توهه الحرمان
في سكة الدراويش
تَمنْ الجراح مدفوع
فيه ناس تعيش الوهم
وناس تحاسب ع اللي راح
وتدفع البقشيش
وسطور بتوصفها
وسطور بتوصفني
بس الحنين ليها
هو اللي خوفني
وف لحظه الطوفان
لِسَّه بتحكيلي
عن الحياه بأمان
وإن العيون اللي فيها نهايتي
هي اللي تحميني
أشرب كاسات الصبر
وأسكر من الحرمان
وأبكي علي سنينك
اخرك يضمك قبر
ويقولوا كان ياما كان
وحكم الزمان
بيني وبينك
غرقان ومستني
إيد الزمن تتمد
شايل هموم الكون
واللي يآمن للهوي
واللي يصدق
للزمان مجنون