بيعافر
وشايف حلمه
كوّه ف سُوَر
وبيجدف
وبيحن
وبيرجع 
وبيسافر
كما وجعه
وأصعب جرح
تبات تحضن 
في الحشا ألمك
وتضحك بس من بره
ومن جوّه الفؤاد مقهور
وشايف حلمه كوّه في سُوَر
محظور 
ع العيون الحلم
والحمل علم ع الكتاف
مركبك قش
ماشيه وعكس الريح
عليل يداوي جريح
وتاهت المرسى
واتكسر المجداف
في سكه الاسفاف
طلع الهوان. أقوي
والسبع بقا بيخاف
يادمع علم ع الخدود
ماشي خطاوي با الأمل
بس الطريق مسدود
مستني فجر يطرح 
وسط عتمه قهر 
ماتت عروستك
بعد ما دفعت 
من سنينك مهر
دنيا هوان مع قهر
وأزاي جمعونا ف زنزانة 
فريقين
فريق ميت ف دور الخبث
وفريق عايش مثال للطهر
كل اللي. رسموا علينا الفضيله
ف الأصل كدابين
باعوا الوهم عالرصيف
شطار في فن الزيف
زمن وورانا العجب
ألاصل واحد لكن بقينا . اتنين
وشوش وضحكه مرسومه
رتوش واللوحه مقهوره
طبشور وسبوره
ومين م الحزن يتعلم 
ومين يصدق مين
ومين يكدب مين
مساكين ياعمال التراحيله
والي بيجري ع المُعايش
أصبح ملوش حيله
بقوليله وفرشت ع الجرح 
كما خيمه
ام وعلي فراق ولدها خزينه 
لحظه طلوع الروح 
بتبكي وبتحضن وبطبطب ويتسلم
وشجره توت وعليها 
عصفوره تزقزق بلحن جميل
بس حاسسها بتتألم
يا قلم علم حروفي الخوف
وأرسمني بضحك جوا السجن
لون لون بشرتي المخطوف
وأكتب عن ذكرياتي
وسيب نهايتي حسب الظروف
وسيبني أتألم 
ياقلم بكره. نشوف
فريقين بس 
لا تفهم مين مع مين
ولامين ضد مين
بس المهم لما الأمام يدعي
لازم وحتمآ. ولابد
نقول. آمين
قلبي علي ولدي حزين
خايف يعيش زيي
حلمه يموت جو السطور
ويعافر. 
ياجرح يامسافر
مابين سعاده ونور
ومابين تعاسه وغش
ومابين حقيقه وزور
والحلم تفسيره
بكل تعبيره
مكتوب
وعلي العيون محظور
وحلمك حلمي ياولدي
يادوب أمل مقهور
والحلم. كوّه في سُوَر