إصحى من نومك يا عبله 
عنتره جاى فى الطريق 
وياه حصان وسيف ونبله
عارف عدوه من الصديق
قومى يللا البسيلو شال
مفيش أمل صعب المنال
وحققى المثل اللى قال 
مفيش فرج غير بعد ضيق
بعد وجع قلبك ونوحه
عنتر هيفديكى بروحه
خففى ألمه وجروحه
شجعيه بحق وحقيق
خليكى جنبه واسنديه 
خلى إديكى ماسكه فإديه
متخافيش أبدا عليه 
بيعدى من وسط الحريق
إفرحى ياعبله ومتخافيش 
عنتر معاكى متقلقيش
أجدع رجال شرطه وجيش
بيضحوا من جندى لفريق
يستحملوا عشانك جراحهم 
حالفين ليفدوكى بروحهم
ربنا يبارك كفاحهم
واقفين وراكى ف أى ضيق