بسم الله .. وحدوا الواحد 
محدش ينكر إلا الجاحد
شيئ أكيد ومن المرجح 
الخير هيزيد وبلدنا هتنجح
نقول اللى لينا واللى علينا
أزمات كتيره وبتعدينا
أزمه بتيجى وراها أزمه 
نلقاها تدوس عليها بالجزمه
حبة تعب والإيد فى الإيد 
رفعت رصيدها من جديد
سكتها كانت كلها شوك 
وكنا صحيح لدينا شكوك
صحينا م النوم لقيناها بتبنى
وجايبه الخير لبنك ولإبنى
شكلها ياولاد عارفه سكتها 
أبواب فساد مفتوحه سكتها
رجاله اشتغلت من غير هيصه
بجد صحيح خمسه وخميسه
الحق بقى لازم يتقال
لا محلسه ولا شغل عيال
ولا تطبيل ولا تزمير 
لا وظيفه ولابدله حرير
لو كانت فشلت كنت شتمت 
ولاكنت على عومها عمت
إنما نعمل إيه أهى نجحت 
وكل الناس مبسوطه وفرحت
هتقولوا سيساوى مستكاوى 
لا بحب سياسه ولا غاوى 
ولو كلامى زعل بعضنا
قلت اللى يخلص من ربنا