آااااااه آه لو قلوبنا على بعضنا مكانش حد يعضنا ولاضيعنا عمرنا فكلام كتير ملوش لزوم آه لو بصينا للأمام واشتغلنا بدون كلام خطوه خطوه نكون قدام وزيحنا عنا كل الهموم آه لو كنا يد واحده وبطلنا غضب وحده وشيلنا بعض ف أى شده واللى يقع نقولوا قوم آه لو مافينا طماعين ومرتشين ولصوص ملاعين كان زمانا لفوق طالعين والخير فى بلدنا بقى بالكوم آه لو اللى على الكراسى ناس م اللى حاسه بالمقاسى وبيشربوا من نفس كاسى والحاكم فينا زى المحكوم آه لو بطلنا يوم نفاق ومحلسه ف أوسع نطاق كان زمانا راكبين براق وكنا صحينا بقى م النوم
