علي شط البحر قعدت ساعات 
أحلم واغني وأقول روايات 
ع الرمل كتبت رسمت كتير 
اشكال وحاجات ملهاش تفسير
ودي موجه عالية وجايه هناك
يا حبيب القلب انا بهواك 
مستني تجيلي بقالي سنين
امتي هتجيلي يا ضي العين
واشوفك تاني دانا المشتاق
وخلاص راح ننسي اي فراق 
غمضت عنيا وبحلم بيك 
ودي صورتي باشوفها جوه عنيك
وبقرب نفسي من روحك 
وحنيني يرفرف كدا حواليك
يا معلمني الحب وبس 
من يوم ما عرفتك قلبي انا حس
بالدنيا وفرحة الايام 
طب يبقي طبيعي ولا دا مس
ويا بحر اشهد علي قلبي وقول
ان انا حبيت اللامعقول 
شكلها جنيه وانا المسحور
وهفضل مستني يا اعدي بحور
علشان اوصل لهواها في يوم 
مهو انا مش هفضل كدا محروم 
يا تجيني تقولي انا بهواك 
وبقلبي وروحي انا شرياك
ويا اما هاتوه في بحور اللوم