ناس كتير فيك يادنيا 
داخل نفسها كده محبوسه 
مش عدم فكر... ولا خلل ف العقل 
ده أحترام للنفس... وعلشان ملهمش ف نظام القرع والكوسه
وناس كتير تاني فيك يادنيا 
ولاد حريفة بيلعبوا بالبيضه والحجر .. وبيعرفوا 
يحلبوا الفيلة ويحلوا بلبن الجاموسه
وناس تانيه يادنيا... متعلقين ف ساقية وسط صحرا
قحط هرب منها إبليس... ومطلوب منهم يخرجوا من 
بطن أرضها ميه عذبه مش مغشوشة 
وناس تانيه بتبكي بالدموع... علشان الحياه صنفتهم 
أموات لفقهرهم وولاد ناس منحوسه
والدنيا جات عليهم كتير ورخصتهم... لولاد الحرام الهبيشة 
اللي قطعوا عليهم الميه والنور وخلوهم
فقرا كده ومعندهمش الدقه ولا لقمه مغموسه 
وناس شغاله كعب داير ف بيوت .اللي مصوا دمهم وأكلوا حقهم ظلم وعدوان (خدم) ويناولوهم كمان 
المعلقه والسكينه والشوكه
آه يادنيا. آه... ديمآ تيجي على العزيز.. المحترم 
النضيف.. وتعتبريه هافيه وضعيف وملوش كده عوزه 
وترتمي ف أحضان الرخيص بقايا الزمن ... وتتجملي له
ولا بنت العشرين العروسه ..... إخص