يا حزن حربى معاك طالت 
ودموعى ليل نهار سالت 
حصانى عثر وسيفى انكسر
وقلبى ع اللى فات اتحسر 
وزكريات عليا معاك
ما بتخلينى يوم انساك
مش بس الوحده وكفايه 
الدنيا معاك كمان جايه
سكينتك حاميه وبتدبح 
مابتسيبينى فى يوم افرح 
مشاركنى صبحى ومسايا 
ساكن فى القلب جوايا 
حاولت كتير مفيش فايده 
شجن يكسر ونار قايده
ياحزن شوف غيرى وسيبنى 
كفايه سنين مغلبنى
واقولها كمان وانا زعلان
أنا الخسران وانته الكسبان
وصلت معايا للغايه
بستسلم وارفع الرايه