صحيح لا يصح إلا الصحيح
صحيح بقى عيب تكون صريح
صحيح ماشيين من غير تصريح
صحيح الضمير مش مستريح
صحيح بفلوسنا نشترى تسليح
صحيح بنربى حمير للدبيح
صحيح اللسان بقى أبيح
صحيح صوت الحيه فحيح
صحيح العرض بنستبيح
صحيح سهل علينا التجريح
صحيح فينا ناس مجاريح
صحيح نادر فينا الفصيح
صحيح الجميل أصبح قبيح
صحيح نسينا الشكل المليح 
صحيح كلامنا بقى تلويح
صحيح مش محتاج توضيح 
صحيح ضاق علينا الفسيح
صحيح كلام الليل يسيح
صحيح النوم مبقاش مريح
صحيح الإنسان أصبح شحيح
صحيح فى دهب وفى صفيح 
صحيح العمر زى الريح 
صحيح جثه ومحتاجه تشريح
صحيح بنحط فى القبر شيح
صحيح