ياصحبي فرفش غني 
وبلاها كدا أحزان 
دا الدنيا طابعها منيل
هاتخدنا ف سكة شمال 
لحد أمتى هانجري 
ونسابق معاها الأيام 
يازماني هدي الملعب 
الكورة ف الأصل أجول
دا أنا لسه شبل صغير 
كفاية من الأحمال 
يازمني سمعت زمان
عن حد أسمه متقال 
بيغني أغاني جميلة 
وبيقول أحلى كلام
قلت أكيد هاسمع له
وأعيش الحاله تمام 
بكاني ف صغر سني 
ما عرفت ساعتها أنام 
ياصحبي ف حضني تعالى 
ونام وعمل غرقان 
دا النوم ساعات بيفوق 
الجسم الأنين العدمان 
دنيتنا ياصحبي بحاله 
وحالها أصبح حال 
لا نافع معاها الصبر 
ولا نافع حتى الكتمان 
ياصحبي فرفش غني 
وسيبك من الأحزان 
مفيش جديد لتنوله 
الدنيا راكبها جنان 
على طول ماشية
ف عكسك 
ومسكة لجام وخزام 
طفشت الروح منا 
وخلت العيشة زلزال 
معدش فيها صغير 
ولاعاد كبير خرفان 
الكل بقا ف الكوشة 
عريس ولا ف الأحلام 
الزمن خلاص أدور 
والعيبة مالها مكان