ميغركيش حسنك 
ولا جاهك ولا .. مالك 
اوعي الغرور يخدك 
لاء فوقي ايه .. مالك
طول عمري ابن اصول 
متربي ع الهيبة 
وانتي يادوب برواز
مكسور ملوش .. مالك 
وكرمتي فوق في السما
ميهزهاش الريح 
لو حتي روحي في ايدك
لو حتي هبقي جريح 
مقبلش غير اني اكون 
راجل لساني صريح 
وعن نفسي انا مليت
منك وم التهميش 
وان كنت يوم حبيت
حبك ميلزمنيش 
ما الحب لو بالذل 
عمره في يوم ما يعيش
وخديها مني نصيحة 
بكرة الجمال بيروح
خليكي صافيه صريحه
الاحلي جمال الروح 
انا اصلي طبعي عنيد 
محبش ازيد واعيد 
وخالفت طبعي معاكي 
يمكن يكون في جديد
ولاموني كل الناس 
علي حبك ومسألتش
وشيلت فوق طاقتيي
منك ومتعبتش 
وكنت اشوف الغلط 
واسكت وما شوفتش
وأقول دي بتهزر
وعليا تدلل
منا بردو عاشقها
ولازم اتحمل
وياريت لقيت تغيير
بالعكس شوفت كتير 
ولحد هنا كفاية 
تعبت م التفكير
كان نفسي تحسي بيا
وبشوقي وبحبي 
كان نفسي اعيش معاكي 
لكن دا مش ذمبي 
ان اللي جواكي 
ميعش مع قربي 
واتغري بقا براحتك 
هسيبك علي راحتك 
غرورك دا مقبلهوش 
وكأني ما شوفتك