إضحك للدنيا تضحكلك وبلاش يضيع العمر حزين ولا تحمل هم فيوم أكلك ربك بيظبط الموازين الضحك ف السما بيلألأ والحزن يخلينا نطقطق العمر ياعم ملوش ملحق إمسك فيه بإديك لتنين يجرى بسرعة ميه فثانيه والساعه بتجرى ورا التانيه اليوم بيروح ف الساكسونيه والسنه بتعدى ما نعرف فين دور على خل يواسيك وارمى حزنك مع مآسيك بكره الأيام دى هتنسيك ماتعرف انتا فين ومنين متقولشى كنا زمان ولا كان وانسى الهموم هتعيش ف أمان الفرح ملوش إسم وعنوان كل الحزانا دول مجانين ولا شيئ فى الدنيا يستاهل قالها المتعلم والجاهل مش عاوزه معارف ومناهل عاوزه عقول فاهمين واعيين حكايه مش عاوزه مذاكره اليوم دا أحسن من بكره ربنا يكفيك شر ما تكره إستغفر ربك قول يا معين
