ورد الجناين طرح
هات ورده يا جناينى
هلت ليالى الفرح
واللى زرع .. يجنى
يا فرحه يا محبه
متقربى حبه 
نسينا خلينا
نتهنى بالصحبه
العود مع العواد 
سمعنا صوت الناى
البنت ليها الواد
والحزن راح مش جاى
أول فرح بسمه 
متقولش معرفشى
كل الوشوش راسمه 
ضحكه ومبتخافشى
كان ليل وجالو نهار
راجع يا نور الشمس
فتح شبابيك الدار
صحوا الولاد بالهمس
قدمنا خير للغير 
مستنيناش ردو 
رزق البشر والطير 
من ربنا برضو