نور هادى
شاعر الفردوس
يكتب :- ( البحر ) إحدى قصائد العامية
..................................
( 1 )
البحر
طالع نادى وهادى
وظاهر وطاهر وبادى
وفجأة ثاير وهادر
وملوش كبير ونادر
وعاشق وفاير وغادر
ومتشعلق فى خيوط الأمس
ومتشعبط فوق الكل
وغاير بحبال الهمس
بيربط كل الأسرار
والموج على ظهر الخوف أفانين
بينط لفوق وبشب قلوع تفانين
ورذاذ البسمة ذوق فنانين
صباد محتار قاعد على الشبكة
معتاد على الفوران
بيقلع فى حبيبته الشبكة
أخطبوط حبَّار يرقص بالدبكة
ومختار بيقلع أحجار السكة
مالك يا بحر ساكت ليه ؟؟
...............................................................
(2)
أنتِ
وانتِ وضحكتك الجاية
شط عفيف ويا التصاريف
جاى فى خريف أمشير
ومارس ونيسان عجاريف
والدفة كمان جايين مناحيس
والعمق الواصل جوانا
لحد الروح هذيان إبريل مناجيس
وفنار ميسون بيزوم
على قد الشوق
والزيف بيدوم
فاكرة التخاريف ؟؟
لما كتبتِ التحاريف
لما قهرنا التعريف
والمفهوم والماهية
على قد الأيد
لما إيدك كانت بترمى العوافى
وقلعك مفرود فى الخوافى
والقوادم دايبة فيكِ والحوافى
متقوليش فانوس بينور فى ذاتى
ولمحاته بتضوى النوح
لفحيح فلذاتى
والشط يدكه جذور الدوح
فى آهاتى وبدوخ لحد الخوخ
ونوح بيهد الزيف والخوف
وابنه غريق مجروح بيهرتل وينوح
ملفوف بجبال الكون
أنه يموت بعيد عن بطن الحوت .
..................................................................
( 3)
( أنا )
وانا كنت مشتِّى
ومصفى الروح ومهدِّى
مستنى يعدى الموج بعدى
لسفينى العابر وحدى
بيمط الفجر ويمده
بحيوية قلبى الغابر
الناسى لوجدى
الراسم حدى
لوقوفى العاثر
والمشى البطال الخاسر
وسيف اليزن وآل ياسر
ومين بيصاحبك غيرى ؟؟
وعمر مكانى ما حد واصل له
أصله مالوش زى ومالوش تانى
ومد الشوف ويقينى
الراسخ قابع فى شتاتى
ورتوش الغد الفانى
ورموش الماضى الجارح
والحاضر والآنى
والآتى والغابش
وسيرتى اتشهرت وعدت فوقك
ولعبت بمياهك وغلبت شوقك
مالك غدار وبتكسر زهقك موجك
وربيعك فى ربوعك دامى
ودافىء من حر الشمس
وحر الأنفاسِ اللى بدوب قدامك
فى ربوعى الجافى
ودوامى معاك بغرارك وثناءك
بيشتت جوعى وضياعى
وبيرسينى لبر أمان وياك .
..................................................
نور هادى
شاعر الفردوس
