بدك اوخضك معي مسطره ...

كان أحد الختيارية يريد الذهاب للرمثا ليبيع مالديه من قمح وكان قد حمل " الشوالات " في الشحنيه " وغزغز شماغه بعقاله ولبس مزنوكه ففاجأه ابنه " المزيون " قائلاً)( ول ياااااايآآآآآبه توخضني معك )( فتطلع فيه وكاد وجهه يلمع " كالفسفور" خصوصاً في المنطقة ألواقعة مابين " خشومه وشفتيره " براطمه ..!! فضلاً عن تواجد  المادة الفسفورية على اكمام قميصه الذي كاد يبرق برقاً " ألولد مارغ حاله بخنانه ..؟؟ فقال له أبوه – ولك يا ابن الحمار انعثر خلي امك تدبك يالجيعه بلكي يتحلحل خنانك ؛ فطلت امه من "الطاقه " وقالت لأبوه ؛ بالله تجبر بخاطر هالصبي وتوخضه معك يازلمه قال : ول الله عليك بهالطله " تقوووول " بومه ؛ ولك لويش بدي أوخضه يا ملعون " عنترة الخلفك " (( بدكياني أوخضه )( مسطره ...؟؟ تفو عليك وعخلفتك ...

**********

 من فلسفات الأولاد وأكاذيبهم حتى بعض الكبار يكذبون ..

كنت بأحد لأيام " بركب " بشجراتي وإذا أحد أبنا أخواني عائداً من ألمدرسة وكان بحالة سيئة " ألولد " ممردغ تمردغ " ما استجراش يروح على دارهم وأجا لعندي ؛ قلتله : مالك شو صاير معك قال : ربطولي ( 6 ) ولاد عند مثلث زحر بدهم " يطجوني كتله " .. وبعدين قال : بطحت منهم ثلاث ؛ وذربت الباقيين بالدبش وفلوا ؛ وضليت أشمط بهضول تامني كسرتهم : قلتله : طيب في دم بطيح من خشومشك ؛ وشلطيفك مورمه ؛ وعيونك محمرطه – هات راعيني شوي بلا عرط كذب قال ؛ والله ياعمي بعد ماكتلت الثلاث وقلت خلص بكفيهم لكن بس وصلت الطلعه لقطوني الثلاث الفلوا بالأول (( وترفشوا بمصريني ..؟؟

**********

 ابو جخيدم طلمس بطل يعرف يسولف ؛ صار يهربت وبس وطيب طرحة جخيدم وفش غله طابت طرحته وبرد اجا دور ام جخيدم وقالتله ..!!ياقريدي لويش هبيت فيه ؛ قال : كله من ورى ضناك قالتله : يييه " ميله تميلك " تروح وكلاب ماتضوقك ؛ الله يستخيرك عننا ؛ الله يوخضك ؛ الله يقلفعك ؛ عزونت اني شوعملتلك يا " مقرق " خنزير ؛ علودي ؛ مهوهي ؛ هامل الزلم ؛ يا مخرفن ؛ والله مابقعدلك عمسطبه ؛ ومن قصتي مابضلك مرى )( كلمه من ابو جخيدم وكلمه من ام جخيدم وتنعيله من جخيدم صارت ومعمعه ؛ هيصعه ؛ غندره ؛ نومره ؛ همبكه ؛ صرصعه ؛ دوشره ؛ شرتيحيه ؛  ميمعه ؛ خلطبيطه ؛ ليليخه ؛ خندريسه ؛ موقعه ؛ دربكه ؛ سخمطه ؛ فرتكه ؛ دردكه ؛ هليليه ؛ وبلشوا بالوطيات والمنسيس والمذاري قمت فليت وبدريش شو صااار وراي ..!! يتبع