أنت مين
أنا أبن الحضارة
أنا اللى سمرتى
عنوانى تحلف بألف يمين
إنى أبن آدم وعمى مينا
وأخويا عمرو وصلاح الدين.
أنا اللى بسمتى
بصمه على شفتى
بتحدى بيها غربتى
سجنى وسجانى
وخلصت مدتى
وماعرفوش أيه تهمتى
ولا حتى سر بسمتى.
أنا أبن الثوره
وتحالف قوى الشعب العامله
وبالروح والدم وكله تمام
ضاعت سينا والجولان
وغزه والقدس كمان
وكانت وكسه وقالوا نكسه.
أنا الجندى الحزين
أبن أحمس وصلاح الدين
أنا المارد اللى صحى الفجر
وقام من القهر وعدى البحر
وقال للارض
ياأعز مالينا
صباح الخير ياسينا
وقامت الدنيا تحيينا.
أنا أبن الفقر والبطاله
وحزب وطنى وبطانه
سجن وقهر ومهانه
وفى التحرير كان ألتغيير
بالعقل مش بالتزوير
صحيت الدنيا تشوف
أبن النيل بيعدى المستحيل
فى صدره دم
وعلى كتفه قتيل
ولكنه أسمر وجميل
وكانت النهايه من البدايه
وسقطت تهمته
وعرفوا حكمتة
وكلن بكره
هو سر بسمته
وعنوانه مصرى من التحرير
واصله فى لون بشرته من آلاف السنيين.
ساحة النقاش