أعمل إيه

مستغربين إزاي وليه

وليه كل ده

قولت أعمل ايه

بيسألوني شكله ايه 

رديت وقولت ح تعرفوه

من وصفي ليه

زي الملايكه اما بتضحك

نظرة عينيه

زي النسيم ف رقته

ولمسة إيديه

لما يهل بطلعته القمر

يداري فيه

الشمس تغيب لما يغيب

تروح تسأل عليه

زي الندي ساعة صباح

اول ما تشوفه تحس بيه

تحتار ف وصفه التشبيهات

وهو أحلي ما ف البنات

يسكت يحلو السكات

يتكلم تتنهد آهات

من غير ما يقصد دوبني فيه

يا تري عرفتوا إزاي وليه

ياللا قولولي أنا أعمل إيه

أحمد فاروق

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 37 مشاهدة
نشرت فى 10 مايو 2017 بواسطة nasamat7elfouad

عدد زيارات الموقع

84,386