#طفل_البلكونة 

 

( وعشت اليتم يا حية )  

 

واقولك إيه 

وعشت اليتم يا حية 

وأصرخ آه 

ودمك إيه 

بقى ميه ؟!!

وهان ازاي ؟!!

ترمي قلبك 

ف قلب الريح 

لازمك ييجي 100 طبيب 

يدرسوا التشريح 

يشوفوا نبضك القاسي 

نبض إيه ؟!!

يشوفوا وخزك الجارح 

وقسوة حَجَرك الطارح 

ملامح أم ؟

مشفتش  حتى الملامح 

أبكي وتصرخي 

مش من بكايا 

وآهاتي 

أهي رايحة أهي جاية 

زرعتي جفايا جوايا 

ليه عاوزة تكتبي بإيدك 

لزهرة عمري دي نهاية ؟!

شعلقت روحي بضوافرك 

ولا همك 

كل اللي همك 

دنيا وما فيها 

وصرخة فزع منك 

ياااامه خاااايف 

ح أروح فيها 

 لو كنتي قاسية بطبعك 

داري قسوتك واخفيها 

والخوف ماليني

 في سكاتي 

قاعد في  ركن الحيط 

خايف يكر الخيط 

وييجي اليوم وانحرم

حتى من طلة اخواتي 

 

#عصام_فؤاد

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 18 مشاهدة
نشرت فى 1 فبراير 2019 بواسطة nasamat7elfouad

عدد زيارات الموقع

37,128