في ظلال الوحدة الوطنية

ايدي في ايدك انتا وهيه

                 الاسلام ويا المسيحية

طول عمرنا بنحب بلادنا

                  فوق المدنه نقولها قويه

يلا يا صاحبي خلي ولادنا

                 تلقي محبه جذورهاعفيه

القران ويا الانجيل

              اغلي كلام لبلادنا هديه

والرحمن اهدانا النيل

                 دايما خيره عليك وعليه

عمر الدين في بلدنا ما هدد

                     عمره ما فرق في البشرية

من قلبنا بنقول ونردد

                    دي الاديان اصل الحرية

يلا يا صاحبي قوم واتكلم

                    اصل سكاتك ملهوش ديه

مد ايديك لايدينا وسلم

                  خلي كلامك نور في عنيه

والاديان بتقول بسماحه

                نلقي الراحه في حسن النيه

والقران بيقول بصراحة

                    والانجيل ترانيم سماوية

علشان مصر تعيش في امان

                      لازم نفوسنا تبقي ابيه

نرفع راسنا في كل اوان

                     تبقي حياتنا جميلة هنية

ليه بنحاول ننسي جذورنا

                    ليه تبعدنا نفوس منسية

يلا نوري العالم نورنا بالاسلام

             بـالاســـلام ويـا المسيحيــــة