جارى التحميل
استخدم زر ESC أو رجوع للعودة
امنيــة ســــلام
باتمني اشوف الكون في سلام
باتمني بجد ومش بكلام
باتمني اشوف الكون فرحان
باتمني احس ان انا انسان
لابيعرف ضعف ولا استسلام
باتمني اشوف الايد في الايد
والفرح ما بينا يدوم ويزيد
والعالم كله هيبقي سعيد
لو يوم هيرفرف فوقنا حمام
ويعود لنا تاني الكون في سلام
لو نمسح دمعة طفل حزين
لو نفرح سوي ونكون صادقين
لو يوم يجمعنا طريق الحب
ونقوم ونقول من جوه القلب
باتمني اشوف الكون في سلام
لو نقدر ننطق كلمة حق
ونقول كلنا للظلم لاء
لو نقدر نبعد شبح الموت
عن طفل رضيع بيعيش مكبوت
ملقاش في طريقه غير الغام
اطفال العالم ليه بتيكي
وولادنا يا عالم ليه بتشكي
وقلوبنا بتصرخ من جوه
كلنا من ادم ولحوا
طب ليه بنزود في الايتام
باتمني اشوف الكون في سلام
القضيه مش قضية ناس يشوفوا
طفل مات من كتر خوفه
نار وقادت بين كفوفه
واستكتروا عليه الاحلام
كان قدامه الدنيا بحالها
فجأة في لحظه اتغير حالها
لما حكمتوا عليه يتشرد
قلتوا دا كان قاصد يتمرد
قصده يغير في الاحكام
لعبة اتلعبت وباحكام
تاني بينشروا في الاوهام
والمقصود مش نشر سلام
دا المقصود قلب الاسلام
لازم الحكم عليه يكون اعدام
يبقي ازاي
هنعيش في سلام
المصدر: نفرتـيـتـي يامـــي
