علمني الحب
قلبي بينادي بيكلمني ويقولي نفسي احب بجد نفسي احب واتحب نفسي الاقي جنبي حبيب لما انجرح يكون طبيبي يداوي جرحي يكون معايا في حزني قبل فرحي يكون سندي في الدنيا يونس وحدتي اشتكيلو همي قولتو يا قلبي عشان تحب بجد عشان تحب وتتحب عشان متجرحش قلب حد عشان متنجرحش وتكره بعد الحب كلمة

حب لازم يا قلبي تدخل مدرسة الحب وتتعلم دروس الحب عشان تمشي في طريق الحب متنور بنور العلم عشان تمشي صح وتعيش مع حبيبك احلي قصة حب اول درس لازم تتعلم الصدق والاخلاص في مشاعرك واحساسك كلمة بحبك تقولها بس يوم ما تكون حسسها من جواك عايز تقولها لحبيبك بصدق واخلاص حتي نظرة عنيك لازم يكون فيها حب وشوق كبير ولمست ايدك لازم يبان فيها الحنان يحس معها بالامان ميخفش من غدر الايام ومعاك ميحسش باي جرح وثاني درس تختار حبيبك صح مش اي حد يستاهل كلمة بحبك يستاهل تقربه منك يا ما ناس اختارت من غير تفكير انجرحت قلوبها وعاشت في عذاب طول عمرها حتي بعد سنين الجرح مخفش ولا راح من قلوبهم وثالث درس في الحب لازم تخلي حبيبك محور حياتك لازم تكون راحته كل اهتمامك متسمحش لحد يجرح قلبه تفهم كلامه من نظرته عنيه لازم تخاف عليه خوفك علي نفسك لازم تفرحه وتحسسه انه هو الحلم الوحيد اللي حلمته زمان ودايما تشوفه في الاحلام وهو بطل حكايتك واخر حدوتة حب تعيشعها طول عمرك دروس الحب كتيره مقدرش اقولها كلها يا قلبي بس ممكن اقولك اهم درس تعاهد حبيبك انك تكون وفي طول عمرك تحافظ عليه تفديه بروحك اياك في يوم تكدب عليه الكدب ما يتنسي
ولا يتسامح فيه وتعرف ان الحب صدق واخلاص واللي يحب بجد ما يخنش ولا يجرح قلب حد عشان متنجرحش يا قلبي
\\\\بريشة الفنان محمد العسكري \\\\يوم الاربعاء \\\\الموافق 14\12\2012 \\\\الساع 9:21am