صوره وبرواز
حبيبي كل اللي فاضلي منك ومن عمري اللي فات لما كنت معاك بس شويه جوابات ومراسيل احكيلك فيها علي مكانك عندي وانك ساكن جوا قلبي ومالكش حق تعابني وتسالني فاكر حبك ولا ناسي انسي ازاي وانت حياتي وذكريات مليانه جراح والالم وصور محطوطه علي الجدران غطها تراب النسيان مش شايف منها غير البرواز برواز خداع الوانه تخدع الناس فاكرين ان جوا البرواز سعاده وامان للي عاشين جواه ما يعرفوش ان البرواز سجن وسجان محبوس ومتقيد بسلاسل جواه لا انا قادر انساه وارتاح من الجراح والعذاب ولا قادر اداوي جرحي واحب من تاني يا قلبي ليه يا قلبي مخلني عايش جوا صوره بالوان الغدر مرسومه علي ورق مغشوش بيخلي الالوان باهته وممسوحه تخلي العين حزينه ومكسوره الناس مرسومه فيها زي الخيال مش باين منهم غير الكدب والنفاق واللعب بمشاعر الناس فاكرينها كوره شراب يحدفوها من رجل لرجل يدوسوا عليها بغل هي مشاعر الناس خلاص بقيت ارخص من التراب ملهاش قيمه ولا اعتبار بين الناس هرسم لنفسي دنيا بالوان الصدق والاخلاص علي ورق مايمسحش الالوان صوره الناس فيها زي شمس النهار قلوبهم صافيه للحب برئيه وطاهره هرسم حبيبي زي ما بحلم بي يا قلبي هيجي يوم واقابله وهو يكون رسام حياتي يرسمهالي زي ما شوفتها في احلامي ورسمه وعد ليا يحافظ علي حياتي وحبي ويحترم ويقدر احساسي ومشاعري وقبل وعده ليا دا وعد مني هحافظ عليه طول عمري
\\\\بقلم  محمد العسكري \\\\يوم السبت \\\\بتاريخ 29\10\2011 \\\\الساعه 8:50am