حدوتة حب
حدوتة قبل النوم هحكيها لقلبي عشنا يروح في النوم ويرتاح من السهر طول الليل حيران بيعد النجوم مستني حبيبي وحبيبي مشغول عنك يا قلبي هحكيلك الحدوته يا قلبي اسمعها واتعلم الحدوته عن واحد قلبه كبير بيحب باخلاص يضحي عشان حبيبي ويحبه من غير تفكير ما بيحسبهاش هياخد ايه ولا ثمن حبه كام عشان قلبي عارف ان الحب ما ينفعش يكون مسالة حساب ولا يتوزن ويتساوي علي كفة الميزان الحب لو دخل فيه الحساب ونسال هو الثمن كام نطرح منه المشاعر والاحساس ويبقي حرام نسميه حب وغرام ولا نسمي اهل الحب الغرام احباب وعشاق بدل الحب نسميه صفقه بين اثنين تجار بيتفقوا علي الثمن والاسعار صفقه خسرانه عمرها  ابدا ما تكون كسبانه عشان الحب عمره ما تباع ولا حد يقدر يشتريه عشان ثمن الحب صعب تلاقيه لو ماكنش في قلبك احساس بي وعايز بجد تعيش فيه ثمن الحب لو فكرت فيه بسيط شويه اخلاص تدي مشاعرك واحساسك من غير حساب وتسامح لو كان حبيبك غلطان وتحسسه دايما ان هو في امان وعمره ما هيحس بالجرح معاك ووعد منك ان عمره ما هيندم انه حبك وعشقك اتعلم يا قلبي من الحدوته سامح حبيبي اياك تعاتبه علي انشغاله عني ولا تساله ليه كان بعيد عني عتابك له جرح ما يستحملهوش قلب حبيبي اهو راجع خلاص وفي عينه شوق ولهفه وحنان ووعد باين في عينه مش هينشغل تاني عني ولا هيبعد ويسبني خلاص سامحتك حبيبي اعتذارك لي قربك مني واخدك في حضني لا في حضن قلبي يا اجمل شئ في عمري الحدوته يا قلبي كانت حدوتي وحكايتي
\\\\بقلم محمد العسكري \\\\يوم الثلاثاء \\\\بتاريخ 1\11\2011 \\\\الساعه 8:58am
----------------------------