<!--<!--
أنا بمشيئة الرحمن
عايز ريس غلبان
مصرى ، مثقف ، متواضع
مخلص ، شهم وإنسان
لا يسارى ولا ليبرالى
ولا سلفى ولا إخوان
ريس متعلم زيّى
فى مدارس بالمجان
واكلْ فول من عربية
فول راكنة فى أى ميدان
وما بيدخنش لأنه
ماعهوش تمن الدخان
طيب ، بس مع اللحمة
فى خصومة بقاله زمان
ساكن فى مكان فى الغالب
مش معروف لُهْ عنوان
ووقف فى طابور عيش مرة
وركب أتوبيس هلكان
وعمل جمعية قبضها
وجاب تليفزيون ألوان
علشان قنوات (الوصْلة)
غاوى يشوفها بإمعان
ودخل مستشفى أميرى
فى زيارة خرج عيان
واتمنى قصاد فاترينة
عرض يكون المانيكان
وسَحَب طلبات ع النوتة
وبيستلف الجرنان
وبيشرب م الحنفية
ويشكك م الدكان
ولا بيصيف فى مارينا
ولا بيشتى ف اسوان
ريس لو فاز مايكونشى
متعالى زى فلان
تِمْلى الميادين تماثيله
وصوره تغطّى الجدران
ولا تبقى الست مراته
هى زعيمة النسوان
أنا عايز ريس شكلى
ريس حاسس بمشاكلى
هدفه الأيام تضحكلى
بعد سنين الحرمان !
<!--<!--
2012 م
<!--<!--[if gte mso 10]> <mce:style><! /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman";} --><!--[endif] -->
