جارى التحميل
استخدم زر ESC أو رجوع للعودة
<!--<!--
![]()
يا أمى يا نبع المحبة فى دمى
يا قلب مشاركنى فى فرحى وهمى
يا روح طاهرة حاضناها روحى
يا طِبِّى وبلسم جروحى
يا شَدْو البلابل فى دُوحى
يا أمى
****
يا أحلى المعانى فى كل الكلام
يا بحر التسامح وبر السلام
يا ضلِّى وضيِّى ودارى
ويا لهفتى وانتظارى
يا أول وآخر مدارى
يا أمى
****
يا أمى يا غنوة يرددها قلبى
تزيح عنى كل الهموم وانت جنبى
يا عزِّى وسَنَدى وتاجى
يا كنزى فى وقت احتياجى
يا فرحى وسر ابتهاجى
يا أمى
****
فتحتيلى بإديكى للدنيا باب
وفى طفولتى أو فى الصبا والشباب
باشوفك سعيدة لفرحى
ولا بيجرحك إلا جرحى
وباغلط ودايما تسامحى
يا أمى
****
فى حضنك يا أمى نعيم الحـياة
ولو ترضى عنى بيرضى الإله
بعونه يوَفَّق خُطايا
وفى الشدة بيكون معايا
ويلهمنى نور الهداية
يا أمى
****
رفع شانك المولى فى العالمين
ووصانا بيكى الرســول الأمين
يا أمى وكنزى دعاكى
ما تحلى الحياة غير معاكى
وأعظم آمالى رضاكى يا أمى
1979 ك
