موال الملاح
بقلم.. مرقص إقلاديوس
.......
باعوك يا حبى باعوك.
خانوك يا قلبى خانوك.
و فى لحظة زمن نسيوك.
إنت اللى عشت العمر لحبهم صاين.
يا عين كفاية بكا على الأحباب.
اللى فى لحظة زمن بقوا أغراب.
و سابوكى يا عين لدموع و عذاب.
دموعك غالية يا عين ،خسارة فى الخاين.
الحب كان من زمان فى قلبى نادر.
نسيت إن بكرا من زمان غادر.
و إن بحر الهوى موجه عنيف هادر.
و أنا ملاح لسه بيتعلم.
قلبى صغير شراعه ضعيف.
لا ليه دفة و لا ليه مجاديف.
انكتب بيه عليا
اعيش طول العمر اتألم.
اوعى يا قلبى تقسى.
انسى اللى باعوك.
مصيرك برضو فى يوم.
تقابل اللى يستاهلوك.
ما كدبوش اللى قالوا
اللى يبتدى يتعلم يحب الورد.
لازم الأول يجرب غز الشوك.
ملاح بحور الحكمة
مرقص اقلاديوس
