* ((**مستحيل **))
** ** **
اللى بينى وبينك مجرد ورقه
اللى بينى وبينك إحساس ومشاعر
نفس بينطق بإسمك
بكل حب ياريتك تكون شاعر
وحياتي من غيرك فاضيه
والطريق لوحدى واعر
هيا أخرتها ورقة طلاق
ونسيت كل معنى لكلمة وفاء
كناحبيبين مختلفين مش زى حد
كان اللى بينى وبينك مالهوش حد
كنا وجهين لعمله واحده بنشبه بعض
فى لحظه واحده كل دا خلص وضاع
فى لحظه واحده أحس كدا بضياااع
ألف خساره على قلب قسي وباااااع
طب كنت قولى إيه بس غيرك
حب جديد دخل حياتك حيرك
طب إيه اللى كان
طول السنين صبرك
وف لحظه جه قوام غيرك
خلاك تبعتلى كدا ورقة طلاق
وتنسى قلب حبك بكل وفاء
معقول كدا خلصت الحكايه
ووصلنا مع بعض للنهايه
دى حياتنا كانت أحلى
من أجمل روايه
هيا كلمه هقولهالك
وأفتكرها كل يوم
هتلاقيني فى احلامك فى أيامك
حتى فى سهرك مع النجوم
مش هتقدر تنسى عشرة سنين
أصلها مش عشرة يوم
ووقتها هتلاقى روحك تايهه
لوحدها وف الوحده هتنام وتقوم
والليالى الحلوه تمشي
ويحل مكانها الغيوم
هتفتكر كلامى دا كله
كل لحظه وكل يوم
** ** **
.................................................فاطمه عبد الشافي
