((**وأخرتها إيه**))
** ** **
مش قادره أصدق كلامك
راح فين حبك وغرامك
وتوهتك وانا قدامك
وطيفي اللى سكن خيالك
معقوله هترتاح لوحدك
دى راحتي كانت راحتك
وفرحي كان فرحك
وغيابي كان جرحك
نستني بجد يااااقلبك
أنا اللي قلبي بيحبك
وهوايا سكنته دربك
وشقايا فى بعدى عنك
أخرتها إيه قولي
محيرني ليه تملي
قصدك يعني تشغلني
ولا معاك تحيرني
معقوله هتقدر تنساني
كنت بتقولي بتهواني
وإنتي اللى حبك أحياني
وإنتي نبض لوجدااااني
فاكر كلامك ليا
كله أتحول آسيه
كنت ديما تقولي
إنتي اللى ليا تملي
إنتي نبض لقلبي
بيا ياعمري حسي
كان مجرد كلام
راح فين الغرام
ولا دا كان أوهام
كلمه أخيره هقولهالك
مش هتفرق معايا تاني
لأنك فى حبك أناني
وقت ماتحب تهواني
ووقت ماتحب تنساني
مش هتفرق معايا تاني
ودي أخر كلامي
** ** *
