مرحبا بالصيف

الخير موجود 
ف كل يوم.مولود
كنوز السدود
يسقيو القمح والفرينة
  مناظر خلابة زوينة
ف بلادي  سعد السعود
اللي زارها  لازم يعود
والشط  مطبخ المزلوط
غير بصنارة وخيوط
كان يجبد حوت الشبوط
هذا كان زمان
 لازم يذوق الجيران
دابا كولها يفكر في راسو
 ومايمضغو ضراسو
الحوت الحوت
 
راه معلب ف  لحانوت
 طري ، مهرو طالع الفوق 
 مايذ وقوه غير صحاب الصندوق
جوج بحورا
 والقفة متقوبة عورة
ما تشوف غير السرديلة
والرفيع لابس السبرديلة
حرق الخارج   ودار الاوراق
حتى هو عيا من النفاف
قال عند راسو عاق
والشعب المكدد
ما لقا لو  جهد
  الدمعة على الخد
ما ساخي بخيرات بلادو
يستمتع بها البراني واولادو
كل البلدان به يتلذذو
وماليه يشوفو ويتغددو
اسمع    و    أوروا
السرديل فيه اوميغا تروا
انفخو لينا روسنا 
واصمكو اودنينا
السرديل هو اللي عليه الهدرة
فين الكروفيت والكلمار
فين الصنور  والميرنا
فين لانغوست والكافيار
فين الانواع اللي ماشفتها عينينا
وما  سمعتها اودنينا
حوتنا .  البراني به يتلذذ
ولد البلاد عليه يتغدد.

عمر بنحيدي                           19/5/2018