صرخات عاتيه#

ياريت كل المعانى 
عنك يا عبل يدلونى
بلدك عارفها صحيح 
فيها عشق وحشونى
عبلة يا صبح وليل 
روحك لها عيونى
باحكيك بدمع العين 
يا عيونى ما تنسونى 
غابت سنه وسنتين
وأنا روحى فى جفونى 
دمعى بنار وحنين
وجيرانى هجرونى
وإن راحت دموع العين
قلبى وأنينه زادونى
ياللى ساكنه الروح
هللى على عيونى
واسقينى همس البوح
يسكر بها جنونى
صرخت فوق البوادى 
أنده على روحى
مده إللى ضاع ومضى
ويتبنى على جنوحى 
هايج بهمس الردى
ضايع مع جروحى 
ياللى إنت فوق فى السما
إبعت لنا روحى
د هيه روح الوفا
وأنا جرحى فيه بوحى 
يا ساكنه كل الفضا 
يا عبل دوا روحى
يا أحمل نساء الكون
يا جنة تعيش بوحى
طال الفراق يا سما
والأرض ماتروحى 
ردى على إللى انبلى 
بالعمق والنوح 

صرخات عاتيه# بقلمى// إسماعيل مصطفى موسى المحامى والشاعر.بلبيس.شرقية.مصر