(((حبيب الروح )))

حبيبي ملاك جميل طاهر
نقاء الروح في اوصافه
بحبه موت ومتحير
وحشاني نظرة من عينه
أخاف يسحرني أتغير
أهيم في الدنيا بجنونه
أعيش أسرح في ليل ساهر
أناجي النجم يناديه
يقولو عليا اتجنن ومسحور
طب اعمل ايه انا فعشقه
بيجري يا ناس جوايا عبير و زهور
طير من الجنة يا جماله
خفيف الروح ربيع العمر
حبيب القلب من جوه
رسمته بحس قلم شاعر
طبعته بوشم من الحنه
على صفحة مياه البحر
أتغزل
بهمس العشق في حسنه
خفيف الروح ربيع العمر
حبيب القلب من جوه

منصور رسلان