يا امراة

لما يلمحها الهواء يقلب نسيم
وضحكتك نور الشمس وجمالك
نهر النيل 
ياشرقيه 
انت  كوكتيل من تشكيله حنان
لما تفردى كفك تملى المكان 
بغنوتك عصافير 
لوحه جميله جوه متحف للفنون
حضن قلبك دفء طيب يعافى
يكفى لبرد الطريق 
حضن دافى فى ليل سواد
حاجه ساقعه فى جو صيف 
انتى طيف شىء جميل 
وسط كل الحاجات 
ايوه انتى حلوه جوه وبره
صوت وصورة 
فى البراءه صفحه بيضاء 
نبع الصفاء 
ممنوع عليها الخدوش
ياللى وقت الزعل دموعك بتغرق
مدن وعينيك  بتمطر وجع
لكن فى المصاعب واقفة 
وقوية 
رغم كل ده وقت الفرح بتزغزع
الكون ضحكتك
تغني الطيور لها من نبع
الصفاء 
ياعنوان وفخر لكل العصور
وزهره الياسمين 
اوراقها كبريائك 
وشموخك  

     إقبال النشار

يابنت النيل