*                   ((**وليه تظلم**))

                           **  **  ** 
                      وليه تظلم كدا فيه
                    خليك جمبى هنا شويه
                      أكيد ممكن تنسينى
                       اللى غدر يوم بيه
                        وكان حبه آسيا
                     بلاش تمشى وحياتى
                  خليك وإبقى على حياتى
                    يمكن تكون لى  الأتى
                 واللى مكتوب فى دنياتى
                     وبلاش تقسى عليا
                      خليك هنا قريب
                      حنين كدا وطيب
                     أكيد هتقدر تنسينى
                     ظلم أيامى وسنينى
                   وتكسب قلبى وحنينى
                       بحلفك أنا بربك
                  إوعى تخلف يوم وعدك
                 خليك محافظ على عهدك
                     صدقنى أكيد هحبك
                  وتكون سندى فى دنيتى
                   وسر سعادتى وبهجتى
                    وكل حياتى وفرحتى
                       أحلفك أنا بربك
                     بلاش تبعد وتنسانى
                    وتهد أمالى ووجدانى
                      تعالى نبدأ من تانى
                      وتحقق كل أمالى
                 وننسى الماضى على فكره
                    ويكون لينا أكيد ذكره
                   ونعيش الحاضر وبكره
                         ونتهنا بليالينا
                              كلماتى
                       فاطمه عبد الشافى