جارى التحميل
استخدم زر ESC أو رجوع للعودة
* ((**لما بتضيق**))
** ** ** **
لما بتضيق بيا الأماكن
بسرح بعقلى فى الماضى لكن
بلقى لون الذكرى داكن
فى عيونى من جديد
ناس كنا عايشين معاهم
راحو وراحت الفرحه وراهم
وكل اللى باقى من ذكراهم
صوره بهتانه من بعيد
أمتى يرجعوا تانى
وتتجدد فيا الأمانى
والفرح يملا مكانى
وأكون فرحان سعيد
هيا أمنيه لقلبى
أتمنى تحققها ياربى
وتجمع شمل الأحبه
فى شمس نهار جديد
** ** ** **
فاطمه عبد الشافى
