لاتغيبي عني هجرك بيجنني 
قلبي تعلق فيكي ياام الجاكيت البني 
قلبي تولع فيكي وين راح تروحي 
ان بكيتي بكيكي لا تزيدي نوحي 
يااميرة خليكي ببلادي ياروحي 
روحي بتناديكي وعليها لاتتجني 
روحي محتاجتلك يام عيون نعاسي 
مالنا عبعدك لاتخلي احساسي 
يااميرة عصرك لاتكوني قاسي 
انت عمري وحدك غيرك والله ماظني 
غيرك مين ببالي انت الدنيا وسرها 
والله ياغزالة خايف من هالفرة 
لاتروحي ياغالي وتنسينا بالمرة 
والغربة قتالة للعاشق والمستني 
غربة وش لك فيها ملعون ابو اهلها 
منشان تسيبيها هوا بلادي احلا 
محبتنا خليها لاتقطعي حبلا 
كلمة تذكريها بالغربة مابتتهني 
الغربة عنا حيدي دروبها مرة وشينا 
طلبي شو بتريدي بامرك حيرتينا 
تبغي بدلة جديدة من عيني ياعيني 
او تبغي قصيدة عغيرك مش عبغني 
غيرك ماحبينا يابنت الامارة 
معك شو سوينا لاتكوني غدارة 
جيري حني علينا ببسمة واشارة 
بالله شرفينا شربيلك فنجان بني 
شرفي ولاتخافي مين بدو يشوفك 
ليل العاشق صافي هنيني بوجودك 
ريق بلسم شافي دوا لمعلولك 
ولاتكوني خوافي حني علي حني 
حني وخلي بالك مع يلي بيهواكي 
حبك قلبي مالك مابقدر انساكي 
ان دق الهوا بابك انا بستناكي 
وان شافوكي عمامك قوليلهم غصب عني 
ابو سميح سلمان زهرالدين

المصدر: قصيدة - بعنوان (لاتغيبي عني) بقلم الشاعر الكبير\ سلمان زهرالدين
  • Currently 0/5 Stars.
  • 1 2 3 4 5
0 تصويتات / 313 مشاهدة
نشرت فى 20 يوليو 2017 بواسطة mmansourraslan

عدد زيارات الموقع

98,204